مجرد هوايه,,

كتير بفكر إيه أكتر حاجه بحبها فى حياتى ..وإكتشفت إنى بحب الكلام قوى بحب أتكلم وأحب ألعب بالكلمات وأستخدم وأتعلم كلمات جديده... هوايه غريبه ولدتها كثرة القراءه ..لكن فعلا أنا بحب الكلام وأحب أسمع من الناس وأراقب كلامهم بحس إن ده بيصقلنى لغويا.. حلوه يصقلنى لغويا دى..لا بجد بحس إن ده بيأثر فى أسلوب كلامى وبيفدنى جدا ..علشان كده دايما أحب أختار الناس اللى كلامى معاهم يكون كنير حسب طريقة كلامهم ..وإكتشفت من فتره إن الهوايه دى بدأت تتحكم مش بس فى إختياراتى للناس اللى تعاملاتى معاهم كتير .لأ دى كمان بقت بتتحكم فى كل حاجه حتى إختياراتى فى مشاهدة التليفزيون ..أحب إن الأفلام والبرامج سواء تليفزيون أو إذاعه تكون فيها أسلوب الكلام باللغه العربيه السلسه اللى ممكن الناس تتعامل بيها مع بعض فى الشارع..ويمكن علشان كده مش بحب أفلام محمد سعد.. بس بجد هوايه غريبه وأثرت في حاجات كتير فيا..ربنا يستر..