ترويض النمر,,,,(عقلى المسكين)

عجيب هو العقل البشرى كلما حاولت ترويضه لاتستطيع... لم أدرك معنى هذه الكلمات سوى فى الأيام الماضيه .. كلما طرأت على ذهنى فكره او خاطره وحاولت تسجيلها أجد الأفكار تنساب فى هدوء كجدول مياه صغير لأجد نفسى فى نهاية المطاف أكتب العديد والعديد من الأفكار والموضوعات لا يتعدى الحديث فى الفكره السطرين... كنت دايما مقتنعه إن عقل الإنسان جواد برى جامح صعب تقيده بيحب الحريه لكن بالشكل ده ..صعب جدا ..السطور اللى فاتت كانت تعبير عن حالتى الأيام اللى فاتت ومحاولاتى المستميته للسيطره عليه وترويضه ..لكن دون جدوى ..عقل متمرد عنيد لا يقبل القيود والحدود... دايما كنت أقرأ فى كتب تنشيط الذاكره ضرورة ترويض عقلك وتدريبه على التركيز ...وإنك لازم تبذل مجهود لمقاومة السرحان و أحلام اليقظه ..ودايما كنت فاشله جدا فى التمرينات دى ..أبدا فى شدة التركيز ثم يبدأ عقلى فى غستدعاء الأفكار بهدوء وتتداعى وتنساب فى صمت لأجد نفسى فى النهايه قد نسيت الموضوع الأساسى الذى أفكر فيه... بصراحه فقدت الأمل فى ترويضه كالمعتاد ...إشمعنى عقلى اللى لازم يمشى على الخط إذا كان مفيش اى حاجه مشيها فى الخط بتاعها... لأ كفايه قبل شلال الأفكار ما يبدا وانسى كنت بتكلم فى إيه...