كنت دايما فى بداية كل سنه أسهر ليلة رأس السنه أخطط للسنه الجديده... ودايما كان عندى أجندات مليانه بمخططات للسنين اللى فاتت...
لكن السنه دى قررت إنى اعيشها بدون تخطيط وبدون أجندة عمل أمشى عليها زى زمان ..قررت إن افكارى وخططى تفضل فى عقلى ..مجرد خطوط عريضه للى عايزه اعمله ..مجرد افكار ..بدون تخطيط و ورق.. قررت إن السنه دى تاخد شكل عفوى برئ .. قررت اعيشها زى طفل رضيع لسه مولود ..لسه بيتعلم من جديد ..بيعرف من جديد ..بيحب ويكره من جديد.. قررت ارمى بكل أجندات زمان وكل الافكار المتزاحمه فى دماغى.. واعيش من الأول ..عايزه اعمل حاجات كتير.. وأتعلم حاجات اكتر ..بس وانا حره اكتر من قيود التخطيط..
تفتكروا حاقدر؟؟
1 التعليقات:
اكيد هتقدر بدام انتى عايزه كدا هتقدرى
وربنا يوفقك
إرسال تعليق